Azken hausnarketa

Ikasgai honi amaiera emateko asmoz azken hausnarketa bat egin dut lau hilabete hauetan ikasitako guztiaren inguruan. Ikasgai honen izenburua irakurri ondoren, “Eskola Inklusiboaren Oinarriak”, ez nekien zeren inguruan izango zen, orain arte ez dugulako antzekoa den ikasgairik izan. Hala ere, izenburuagatik hezkuntzari buruz eta haurren tratamenduari buruz arituko zelaren susmoa baneukan.

Lauhilabetekoaren hasieran inklusioari, normalizazio-printzipioari, integrazioari, hezkuntza bereziari buruz, eskolako laguntzei buruz, … ez nekien asko. Egunak aurrera joan ahala, gelan egindako ariketekin, ikasgaiaren orrialdean irakurritako hainbat artikuluekin, … kontzeptu hauen eta beste hainbaten esanahia osatzen joan nahiz eta hauek elkarren artean daukaten erlazioa ikusten joan naiz. Hasiera batean, niretzat integrazioa eta inklusioa berdina ziren eta desberdinak direla ikusi dut, izan ere, inklusioa haur guztiei zuzendua dagoelako eta integrazioa soilik Hezkuntza Premia Bereziak dituzten haurrentzat. Nahiz eta askotan heziketa inklusiboaz hitz egiten dugunean, zaitasunak dituzten haurrei zuzendutako hezkuntzaz ari garela pentsatzen dugun, ez da horrela izaten, aurrean esan bezala, ikasgai honetan ikusi dugu inklusioa ez dela bakarrik zailtasunak dituzten haurrentzako zuzendua egon behar, baizik eta gelako haur guztientzat zuzendua egon behar dela. Azken finean, irakasle bezala gure lanean kontuan hartu behar ditugun alderdi asko eta desberdinen inguruan hitz egin eta hausnartu egin dugu.

Bestalde, Normalizazio-printzipioaren garrantziaz askotan hitz egin dugu. Etorkizunean irakasle izango garenez, gure lanean haur guztien ezaugarriak kontuan hartu behar ditugula askotan azpimarratu da ikasgai honetan, guztiak era berean eta hoberenean tratatuz eta bazterkeriarik egin gabe. Horretarako egoera ezberdinen adibideak eman zaizkigu, guk desberdintasunak ikus dezagun eta horren inguruan gure ondorioak ateratzeko.

Hezkuntza Premiak bereziak dituzten haurrei eskaini ahal zaien laguntzak ikusi ditugu, eta ez hori bakarrik, zailtasun hauek dituzten haurrak gelan integratzeko gure lana daukan garrantziaz hausnartu dugu. Izan ere, inguruak eta gainontzekoek besteengan daukagun eraginaz ariketak egin ditugu gelan eta nola besteon laguntza ezinbestekoa den haientzat. Beraz, ikastetxe baten laguntzak zeintzuk diren eta etorkizun batean horrelako egoeretan ikusiz gero, gure esku izango ditugun baliabideak ezagutu ditugu.

Nire ustez, ikasgaia interesgarria izan da, inklusioaren inguruan hasiera batean oso gutxi genekielako eta gauza desberdinak ikasi ditugulako, modu dinamiko batean, hala nola, lanak egiten, esperimentazio saioen bidez (mural bat egiten), filmak ikusiz, … Gelan hainbat film ikusi ditugu, gehienbat zailtasunak dituzten pertsonen inguruan eta haien bizimodua eta jokaerak ikusteko oso aproposak izan direnak. Film hauek zailtasunak dituzten pertsona hauen egoeraz eta bizimoduez hausnartzea egin digute. Hala ere, hurrengo urtera begira, filmak ikusi ondoren, hausnarketa denbora tarte bat eskaintzea proposatuko nuke. Horrela, filmean ikusitako gauzei buruz gogoeta egiteko eta denon artean hitz egin ahal izateko, ikaskideen ikuspuntu desberdinak entzun ahal izateko eta horietatik ikasi ahal izateko. Dena dela, berdintasunari, errespetuari eta inklusioari buruz asko ikasi dugu, horregatik, ikasgai hau oso aberasgarria eta interesgarria izan dela esan dezaket.

Amaitzeko, esan beharra dago, ezagutza etengabe osatzen doan prozesua dela eta, ondorioz, ikertzen eta ikasten jarraitu behar dugula. Horretarako, nik behintzat Gorabide erakundearekin udan praktikak egitera joango naiz zailtasunak dituzten pertsonekin. Bertan haien oporraldiak ahalik eta modu hoberenean igaro dezaten laguntzen saiatuko naiz. Izan ere, benetako inklusioa lortzeko oraindik ere asko falta da eta denon arteko lana da hori aldatzea. Hezkuntzan, batez ere, irakaslearen lana ezinbestekoa da. Beraz, denon laguntzarekin gizartearen ikuspuntua aldatuz joango da eta horretan aritu behar gara. Gizarte inklusibo bat errespetuarekin bakarrik lortzen da eta hori guztion lana da.

Edonon eskola inklusiboak!

Gaur egun, garapen bidean dauden edo "aberastasun gutxiago" dauzkaten herrialde asko daude, zeinetan eskola inklusiboa bultzatzeko zailtasun gehiago dauzkaten haien baliabideak eskasagoak izaten direlako. Hala ere, askotan baliabideak ez dira hain garrantzitsuak gizartearen kontzientzia mailarekin eta herrialde horietan bizi diren pertsonen jarrerak duten eraginarekin alderatuz, eskola inklusiboa eraikitzeko momentuan.

Bideo hau garapen bidean dagoen herrialde baten eskola inklusiboa nolakoa den eraskusten du. Bertan, nahiz eta penagarria izan, haien aukerak gureak baino askoz mugatuagoak direla ikusten dugu eta aldaketak egon behar direla nabaria da.

Eskola inklusiboaren postulatuak, bizitzako eredu

Gelan landutako testu bat "Aprender juntos alumnos diferentes" Pujolas, P (2004) idatzitakoa da eta errespetusko gizarte bat aldarrikatzen du. Honetan inklusioaz hitz egin genuen eta horretarako kontuan hartu beharreko bost postulatuei buruz informazioa irakurri genuen. Ondoren informazio hori laburtzen saiatuko naiz:

1. Dibertsitatea goraipatu behar du eskolak
Eskolan ikasle bakoitzaren berezitasunak balio bezala hartu behar dira. Dibertsitatea garrantzitsua da eta ahal den moduan goraipatu behar da. Izan ere, dibertsitatea eskola indartzen du eta dibertsitate horretatik ikasteko eskaintzen diren aukeretaz baliatu behar gara.

2. Ikasten gozatu behar: eskolan den-denek gustura eta seguru ikusi behar dute beren burua
Eskolara ikasle, irakasle, ... pertsona guztiek joan nahi izatea garrantzitsua da, gustura egoteko eta seguru sentitzeko.

Eskolan gozatzea ezinbestekoa da ikasleak ikasi ahal izateko. Ikasi nahi duenak bakarrik ikasiko du, ahaleginak egitea ezinbestekoa da, baina eskolak ikasleak ikastean gozatzea lortu beharko luke. Toki horretara ikasleek elkarrekin lan egitera, elkar laguntzera eta bizipen horretaz gozatzera joan beharko lukete. Hezkuntzaren hasierako urteetan, ikasleengan ikasteko motibazioa egoten da, baina ikasleak hezkuntza sisteman gora egiten duen ahala, motibazioa galtzen joaten da. Motibazio hori mantentzea lortu behar du eskolak.

Esan beharra dago, ikasleak ere ikaskideentzako laguntza direla eta kide guztiek eskolan seguru sentitu behar direla.

3. Berdintasun politikan oinarritua behar du eskolak
Eskolak kide guztientako lekua izan behar du, hau da, ez dago biztanle batzuk kanpo uzteko politikarik egon behar, bertan denak onartuak sentitu behar dira. Eskolako kide bakoitza eskola-komunitateko eskubide osoko kidetzat onartu beharko luke. Eskolaren oinarrian berdintasunaren printzipioak egon behar dute, hezkuntza inklusiboak dituenak bezala eta, gainera, kalitatezko hezkuntza eskaini behar du.

4. Ikastea erraztuko duten irakasleak eduki behar ditu eskolak
Egunero gertatzen diren aldaketen ondorioz, irakasle batek ezin dezake gelako ikasle guztien hezkuntza premia indibidual guztiak asetu. Horregatik, ikasleek hezkuntza arrakastatsua izan dezaten, gelako giroa antolatu behar du, ikasleak irakaskuntza-esperientziak, baliabide eta prozedurak eta ikasteko balditza praktikoak izan dezan, beren hezkuntza premiak asetzeko eta ikaslearen motibazioa mantentzeko, ikaskuntzan aurrera egin ahal izateko.

5. Eskolak ikaslea elkarlanerako prestatu behar du, ez lehiaketarako
Eskolan elkarlana lehenetsi behar da. Ikasle guztien inplikazioa bultzatu behar da, ardurak hartu dezaten eta gainerakoekin informazioa partekatzeko eta elkarlanean aritzeko.

Zoritxarrez, gaur egungo gizarteak "lehiaketan" jartzen du enfasia, batzuetan bikaintasunari sekulako balioa aitortzen. Horrela, bikain izan nahi duenak besteen gainetik gailentzea ezinbestekoa du. Honen aurrean, lan kooperatiboa bultzatu behar da. Lan kooperatiboa ikasi eta irakatsi beharreko eduki bat da. Egungo gizartean, gizakiok gero eta elkarren menpeago bihurtzen ari gara eta eskuartean daukagun erronkari aurre egin nahi badiogu, gutariko bakoitzak rol esanguratsua bete behar du. Horrela, denak duintasunez bizitzeko tokia emango duen mundu justuago bat eraikitzeko.

Si puó fare

Gelan ikusitako azken filma "Si puó fare" izena du eta pelikula italiar hau 2008. urtean egin zuen Giulio Manfredoniak italiar film zuzendariak. "Si puó fare"ren itzulpena "Egin dezakezu" da eta hitz hauek era orokor batean filamren esanahia erakusten dute.

Filmak Nelloren historiara hurbiltzen gaitu. Nello filmaren protagonista da eta bere lanpostua galtzean  "eroen" kooperatiba bat zuzentzera beharturta ikusten da. Filman protagonistaren ikuspuntutik erakusten digu nola bere ahalegin guztiak jartzen dituen pertsona "ero" horiek lan mundua murgiktzeko eta gure gizartean ahalik eta hoberen integratzeko. Horretarako, haiengan izugarrizko konfidantza ipintzen du eta oztopo askori aurre egiten dio, azkenean bere helburua lortu arte.

                                                                     
Film hau, ikasgai honetan ikusitako beste film batzuetan bezalaxe, hala nola, Elling, zailtasunak dituzten pertsonen inguruan aritzen da. Guztietan inguruak daukan eragina azpimarratzen da, izan ere, film hauetan pertsona "ero" hauetan konfiantza izanez gero, nola haien bizitzan aurrera egiten duten ikusten dugu, adibidez, honetan lanpostu bat lortzeko gai direla ikusi dugu. Pertsona guztiok gaitasunen bat daukagu, eta haiek baita; beraz, hori da indartu behar dugunaeta horri eman behar zaio garrantzia, baina horretarako hori aurkitzen lagundu behar zaie aukerak eskainiz.

Amaitzako, esan beharra dago, nola pertsona hauetan konfiantza eta laguntza ematea ezinbestekoa den. Honelako filmak pentsaraztea egiten gaituzte eta askotan laguntzea ezinezkoa dela pentsatzen dugu, baina film hau eta beste hainbeste ikusi ondoren posiblea dela ikusten dugu. Beraz, askotan entzuten dugun bezala,  inguruak izugarrizko eragina dauka pertsonengan eta gure laguntza beharrezkoa denez, horretan aritu behar gara, oraindik ere pertsona hauen normalizazioa lortzeko gauza asko falta direlako.

Gure lanari etekina ateratzeko...

"El Hombre Elefante" filma ikusi dugu eta honi buruzko lana egin dugu. Hementxe sartu eta gure lana ikusteko aukera izango duzue.

Egileak: Jone Bizente, Cristina Merayo, Yesika Moltalvo eta Alazne Ramos

Kuluxkak.

Hezkuntza Premia Bereziak diagnostikatzeko prozesua

Gela bateko tutore bezala, bertako haur batek Hezkuntza Premia Bereziak dituelaren susmoa izanez gero, ondorengo prozesu hau jarraitu behar da:

Lehenik eta behin, tutoreak haurra gelan behatu behar du, bere jarrerak, jokaerak, ... informazioa jasotzen joango da eta gainontzeko irakasleekin partekatzea ondo egongo da, horrela haurrari buruz ahalik eta informazio gehien jasotzeko.

Ondoren, tutorea ikastetxeko aholkukarearekin kontaktuan ipiniko da eta bere susmoak adieraziko dizkio. Aholkulariak ere haurraren egoera behatuko du eta tutorearen susmoekin ados egonez gero, haurraren gurasoekin bilduko dira haurraren egoeraz hitz egiteko eta etxeko eta eskolako informazioa partekatzeko. 

Azkenik, aholkularia eta tutorea ebaluazio psikopedagogikoa eskatuko diote Berritzeguneari (ikastetxetik kanpo dagoen laguntza zerbitzua). Haurrari ebaluazio psikopedagogikoa egingo diote eta hortik hilabete batzuetara psikologoa joango da haurraren gelara, ikaslea behatzera eta tutoreari galderak egitera; baita behar izanez gero, haurrari galderak egitera. 

Horrela, haurra Hezkuntza Premia Bereziak dituela ziurtatuta, haurrari beharrezko laguntzak eskainiko zaizkio. 

Ikastetxeetako barne laguntzak

Aurreko sarreran lagutzaren inguruan hitz egin nuenez, gauko honetan ikastetxe barruan dauden laguntza zerbitzuetaz hitz egingo dut. Horretarako, barne laguntzak zeintzuk diren eta bere funtzioak azalduko ditut.

• Irakasle tutorea:

- Gelaren prestakuntzan lagundu, estrategiak, programak eta ebaluazioak egiten.

- Arazoak eta kezkak beste irakasleekin partekatu.

- Gelaren ardura eraman eta klaseak eman.

- Aholkulariarekin harremanetan egongo da, haurrari behaketa egiteko. 

• Laguntza irakaslea/ Hezkuntza Laguntzarako Espezialista:

- Laguntzaile/hezitzaile izaten dira eta ikasleekin gelan daude.

- Behar zehatzei erantzuna eman eta irakasleekin elkar lanean aritu; horretarako, gelan, bere esku hartzea prestatu, irakasle tutorearekin eta ikaslearekin batera.

- Bere esku hartzea koordinatu, zentroko eskaera desberdinen arabera.

- Esku hartzeen jarraipena egin eta beharrezkoak diren hobekuntzak berrikusi.

• Pedagogo Terapeutikoa (PT):

- Irakasleen taldeko irakasle bat da.

- Hezkuntza-premia bereziak dituzten ikasleekin banaka edo talde txikietan esku hartu.

- Material didaktikoak prestatu.

- Familiekin eta irakasleekin lankitzetzan aritu.

• Zuzendaritza taldea:

- Ordutegiak antolatzean talde bakoitzaren ezaugarriak kontuan hartu.

- Espazioak antolatzean talde bakoitzaren beharrak eta ezaugarriak kontuan hartu.

- Haur bat laguntza behar duenean, gainontzeko irakasleekin hitz egiten ditu soluzio posibleak.

• Orientatzailea:

- Pedagogo, psikologo eta psikopedagogoak dira.

- Irakasleei eta tutoreei aholkuak eskaini, horiek koordinatu eta lagundu.

- Orientazio zereginetan ikaslearen ikaskuntza zailtasunetan parte hartu.

• Aholkularia:

- Hezkuntza Bereziko espezialistak dira. 

- Irakasle tutoreari eta irakasle taldeari laguntza eta orientabidea eman. Lehen Hezkuntzan.

• Talde Multiprofesionalak:

- Laguntza-zerbitzuetan parte hartzen duten profesional anitzen taldeak dira (psikologoak, pedagogoak, logopedak, ...).

- Diagnostiko psikopedagogikoa, eskolatze-proposamena eta hezkuntza-premia bereziak dituen ikaslearen jarraipena egin. 

- Ikasle horien irakasleen eta laguntzaileen aholkularitzaz eta orientabideaz arduratu.

Hau guztia egiteko erabilgarria izan zaidan informazioa ikasgairako irakurgaiak dituen txostenatik atera dut. Irakurgaia "Servicios de Apoyo internos del Centro educativo" du izena eta Virginia Perez Sostoa da bere egilea. 

LAGUNTZA

Aste honetan gelan laguntza moten inguruko ariketak egiten aritu gara eta horrelako galderak erantzun behar izan ditugu:

Zer da laguntza?
Laguntza garapena, hezkuntza, interesak eta ongizate pertsonala bultzatzen duten estrategia eta baliabideak dira. Horrela, funtzionamendu pertsonala eta gaitasun intelektuala aberastuko da.

Noiz eskaini behar da laguntza indibiduala? 
Esan beharra dago laguntza indibiduala ume guztiei emango diegula eta ez bakarrik HPBak dituzten haurrei. Beraz, haur guztiak desberdinak direnez, bakoitzaren ezaugarriak kontuan hartu behar dira eta horren araberako laguntza emango zaie. Laguntza eraginkorra izateko ezinbestekoa da ikasleak eta familiaren ezaugarriak eta ingurunea ezagutzea, horiek kontuan hartzeko laguntza emateko unean.

Noiz aterako dugu ikasle bat gelatik?
Haur bat besteen erritmoa jarraitzeko gai ez denean edo zailtasunak dituela ikusten dugunean aterako dugu gelatik, beharrezkoa duen laguntza emateko eta bere garapena aurrera joan dadin laguntzeko. Hala ere, haurra gela arruntean ahalik eta denbora gehien egotea saiatuko dugu. Horrela, haurrak harremantzeko aukera gehiego izango ditu. Beraz, haurra gela arruntera egokitzen lagundu behar dugu, gelatik atera baino lehen.

EL CAZO DE LORENZO

Gelan ikusitako beste bideo bat "El cazo de Lorenzo" du izena. Bertan, Lorenzo minusbaliotasun edo zailtasun bat daukala ikusten dugu. Horrekin bizi behar du bere bizitza osoa eta oso goibel dago. Kasu honetan bere zailtasuna ontzi baten bidez irudikatuta dago. Orduan, egun batean, lagun bat aurkitzen du bere egoera aurrera ateratzen laguntzen diona, pertsona hau ulertu eta animatu egiten du.

Orokorrean, bideoa erakutsi nahi digu badaudela pertsonak alde positiboak ikusten diotela gauza guztiei eta horiek erakusten saiatzen dira, umeak desberdintasun horiek hain garrantzitsuak ez direla ikusteko. Beraz, horretaz hausnartzeko oso bideo interesgarria da.

EL CIRCO DE LAS MARIPOSAS

Orain irakurriko duzuena pasadan astean gelan ikusitako film labur batekin egindako gogoeta da. Filma "El circo de las mariposas" deitzen da eta hurrengo lerroetan filmak pentsarazi didan ideia batzuen inguruan hitz egingo dut.

Film labur honen gai nagusiena minusbaliotasuna da eta, nahiz eta minusbaliotasuna izan, aurrera egiteko egindako ahalegin guztiak. Filmak Will izeneko gizon baten historia azaltzen du. Nola mutil hau hankarik eta besorik gabe jaio zen eta nola hasieran autoestimu baxua zeukan eta ez zuen bere bizitza estimatzen. Baina, orduan, Mendez izeneko gizon baten laguntza jasotzen du, Will ezagutzen duen beste zirku mota batean lan egiten duena, eta horrela, Will-en egoera hobetzen doa.

20 minutuko film labur honen helburu garrantzitsuena minusbaliotasun bat daukan gizon baten erabateko eraldaketa eraskutea da. Oso film harrigarria da, mezu baikorra eta erreala transmititzen duena. Honen bidez, guztiok bizitzak eskaintzen dituen aukerak erakusteko gaitasunen bat daukagulaz hausnartzeko aukera ematen du, modu miresgarri batean.

Pertsona bakoitzaren zailtasunak kontuan izanda, nola aurrera egiten duten eta bakoitzaren gaitasunak goraipatu behar direla. Nahiz eta desberdinak izan, bakoitzak ahalmen batzuk dauzka eta horretan jarri behar dugu arreta. Filmean hau guztia modu hunkarri batean agertzen da, gure egoeraz pentsaraztea egiten gaituena.

Filmak eraskusten duen beste alderdi bat ingurunearen eragina da. Gizakiok, besteengan daukagun eraginaz eta sortu dezakegun arazoetaz ohartu behar gara. Izan ere, pentsaezina da besteengan daukagun eragina eta, laguntza eta konfiantza sortzen duten efektuetaz.

Amaitzeko, esan beharra dago, aurrean landutako normalizazio-pritzipioaren garrantzia. Beraz, minusbaliotasun edo premia bat daukaten pertsonak ez ditugu baztertu behar eta askoz gutxiago desberdin tratatu behar. Besteak bezala ikusi eta tratatu behar ditugu.

ESPERIMENTAZIO SAIOAK

Esperimentazio saioetan Ikastetxearen Antolakuntza eta Eskola Inklusiboa ikasgaiak batu dira bi asteetan zehar eta Haur Hezkuntzako bi gelak nahastu gara zenbait egunetan taldeak egiteko eta elkarrekin lan egiteko asmoz.

Lau pertsonetako taldeak egin ditu irakasleak horrela beste gelakoekin nahasteko eta ez betiko taldeetan lan egiteko. Honen helburua talde bakoitzak inklusioaren inguruan mural bat egitea izan da. Beraz, hori eginn baino lehen horren inguruko teoria pixka bat birpasatu dugu eta zenbait kontzeptutan arreta jarri dugu. Izan ere, gehienok uste genuen inklusioa eta integrazioa gauza bera zirela eta haien artean desberdinatsunak daudela ikusi dugu. Bi kontzeptu hauen arteko desberdintasuna azalduko dut labur:
Integrazioa: minusbaiotasunen bat edo Hezkuntza Premia Bereziak dituzten haurrei zuzendua dago eta laguntzak gelatik kanpo ematen zaizkie.
Inklusioa: ikasle guztiei zuzendua dago eta laguntzak gela barruan ematen dira, ez dago haurra gelatik ateratzeko beharrik.

Ondoren, taldeka geletan bildu garaeta muralari ekin diogu. Muralean hitz gakoak eta marrazkiak edo aldizkarietako argazkiak erabiliz inklusioaren inguruko alderdi garrantzitsuenak agerian utzi behar genituen. Gure taldean, adibidez, inklusioaren inguruan aritzeko, Harrera Planaren, txokoen eta beste hainbat gauzen inguruan idatzi d ugubaita eskolako partaide bakoitzak, adibidez, irakasleak, aholkularia,... edo familiak izan behar duen jarreraz idatzi dugu.

Azkenean, mural guztien esposaketa egin dugu pasabidean eta bakoitzaren inguruko iritzia eman behar izan dugu. Horrela, talde bakoitzak egindako lana ikusi dugu, talde bakoitzak erabilitako estrategiak.
Dokumentu honetan eskola inklusibo bat izateko beharrezkoak diren materialen gida ageri da eta oso dokumentu interesgarria iruditu zait.

"Elling" filma

"Elling" filma arazoak dituzten bi pertsonak bere bizitzan nola aurrera egin duten  ikusteko aukera eman digu,  oztopoak gaindituz. Filmean bi protagonisten aurrerapenak ikusi ditugu, basbestuta bizi ziren zentrotik ateratzen direnetik, haiek beraien kabuz etxe batean bizitzera egokitzen diren arte, hau da, autonomia lortzen duten unera arte.

Bi pertsona hauen bizimodua oso desberdina izan da. Ellingeri dagokionez, txikitan abandonatua izan zen. Kjell Bjarneri dagokionez, berriz, txikitatik oso babestua bizi izan da. Nahiz eta izaera aldetik oso desberdinak izan, elkar oso ondo konpontzen dira eta batak bestea zer behar duen ulertzen du. Gainera, egoera desberdinetan laguntzen dira. Hala ere, laguntzaile bat daukate, Frank izenekoa, zeinek eguneroko gauzak, hala nola, erosketak egitera, etxetik irtetera, beste pertsonak ezagutzera, e.a. bultzatzen dituen eta autonomia lortu dezaten laguntzen die. Errealitatea beraien kabuz ezagutu dezaten uzten die.

Filmak oso modu egokian transmititzen du mezua. Arazoak dituzten bi protagonistak nola askatasuna lortzen duten eta beraiek bakarrik bizitzeko gai diren eraskusten du.

Normalizazio printzipioa

Hasieran, Normalizazio printzipioa lantzen hasi ginenean ez nekien asko honen inguruan, baina asteak aurrera joan ahala garrantzitsua iruditu zait. Horregatik, hurrengo lerroetan honen inguruan hitz egitea interesgarria ikusi dut.

Aipatzekoa da, gizartean, pertsona atzeratuen egoera asko aldatu dela azken urteotan. Hala ere, oraindik gure gizartean pertsona hauek ez dira guztiz normaltzat hartzen. Izan ere, garai batean, pertsona hauek marjinatu eta diskriminatu egiten ziren, baita kasu askotan ezkutatu ere. Pertsona hauetaz lotsatu egiten ziren eta mespretxatu egiten zituzten. Hala ere, gaur egun, egoera hau aldatu egin da eta nahiz eta pentsamendu desberdinak egon, pertsona hauek onartuagoak eta integratuagoak daude gure gizartean.

Alde batetik, integratuagoak gizarteko partaide bezala hartzen direlako, nahiz eta oraindik ere ez ditugun mormaltzat hartzen. Baina, azken batean, hori izan da erakutsi digutena, desberdina dena anormaltzat hartzen. Hala ere, gaur egungo helburua pertsona horiek gizartean guztiz integratzea da eta horretarako jende asko ari da lanean. Pertsona guztiok desberdinak garenez, atzeratuak ere desberdinak dira. Haiek desberdinak dira urritasun bat dutelako, besteok beste ezaugarri batengatik, eta horrela bakarrik ikusi behar dugu.

Beste aldetik, gaur egun, onartuagoak daude. Garai batean, eskolan batez ere izaten zen nabaria nola mespretxatu eta marginatu egiten zituzten. Pertsona atzeratu hauek guztiok bezala sentimenduak dituzte eta askotan ez gara horretaz ohartzen.

Beraz, nahiz eta azken urteotan aurrerapen handiak egin diren normalizazio eta berdintasun hori lortzeko, oraindik ere gauza asko geratzen dira egiteko eta horretaz kontziente izan behar gara, aurrerapen gehiago egiteko.

Niretzat mormalizazioa pertsona guztiak eskubide berdinak izatea da, eta honekin esan nahi dut, eskolan, lanean,... aukera berdinak izatea. Nire ustez, atzeratuak pertsonak dira eta, ondorioz, pertsona guztiak bezala, sentimenduak dituzte eta gure jarrerekin kontuz ibili behar gara, haiek sufritu egiten dutelako besteok bezala. Beraz, pertsona hauen normalizazioa lortzeko lehenegoz haien integrazioa behar da, hau da, gizartean integratuak egotea. Pertsona hauen integrazioarekin haien normalizazioa etorriko baita.

Etiketak: onak ala txarrak?

Gizakiok askotan beste pertsonak etiketatzeko joera daukagu, nahiz eta askotan inkontzienteki egiten dugun. Gehienetan pertsona horrek desberdina den ezaugarriren bat daukalako etiketatzen dugu, baina ez gara ohartzen denak desberdinak garela eta bakoitzaren ezaugarriak erespetatu behar direla, horrek aberastu egiten gaituelako.

Etiketak gehienetan txarrak izaten dira eta horrek pertsonaren indibidualtasuna galtzea dakar. Gainera, aurreiritziak sortzen ditugu eta pertsonak ezagutu aurretik horietatik abiatzen gara. Askotan ez gara konturatzen etiketak gugan daukaten eraginetaz guri egiten diguten arte.

Etiketen garrantzia ikusteko gelan ariketa bat egin dugu. Hiru jarduera egin behar genituen: inglelesezko testu baten diktaketa egin ulertzen genuenarekin, paperezko hegazkin bat egin eta lurrean 10 flexio egin. Hau ondo egitea lortzen ez genuenei "D" letra zeukan papertxo bat itsatsi ziguten. "D" hori defiziente esan nahi zuen eta maila normalera heltzea lortu ez genuela esan nahi zuen. Ariketa honekin, etiketak zein erraztasunarekin jartzen ditugun erakutsi nahi ziguten.

Aurrean esan bezala, etiketak oso erraz jartzen ditugunez eta gehienetean inkontzienteki egiten dugunez, askotan ezin dugu saihestu. Horregatik, gure aurreiritziak gure izaeran eta jokarean eragina izan ez dezaten ahalegindu behar gara. Etorkizunean, irakasle izango naizenez, haur guztiak modu berean tratatu behar ditut, nahiz eta haien inguruko aurreiritziak izan, nire haiekiko jarreran eragina izan ez dezan saiatu behar naiz. Denok desberdinak gara, baina hori da aberastu egiten gaituena eta horretaz jabetu behar gara besteon ezaugarrietaz ikasteko.

Jarraian honi buruzko bideo labur bat aurkitu dut, baina azaldutakoa ondo laburtzen duela uste dut. Ea zuei ere baliagarria iruditzen zaizuen.

Hitzaldiak

Aste honetan izandako hitzaldietan, hezkuntzan lan egiten duten zenbait pertsonen iritziak entzun ditugu eta guztietan helburu berdina nabaria izan da, inklusioa lortzea. Horretarako, eskolak harrera plan egoki bat izatea edo egitea garrantzitsua dela azaldu digute. Haurrak, bai etorkinak bai hemengoak, eskolaren parte sentiarazteko hasiera batetik eta deseroso egotea ekiditzeko.

Hizlarietako bat Jesus Prieto izan dugu eta harrera plan bat zer eduki behar duen eta nola egin behar den azaldu digu, hau da, familiari eskolari buruzko informazioa ematea, familiarekin lehenengo elkarrizketa bat izatearen beharra, gurasoei eskola erakustea, ... eta baita harrera planaren helburuak zeintzuk diren azaldu digu, adibidez, haurrarekin egongo diren irakasle guztiek haurra ezagutzea, familia eskolarekin duen harremana ona dela ikustea, ... Jesus Prietok, harrera plan hau, eskola bateko adibide baten bidez erakutsi digu.

Inforzmazio hau guztia osatzeko dokumentuak (adibideak) "eionarriak" orrialdean aurkitu ditut:

• Harrera plan nola egin behar den, eskola bateko adibide bat.
• Eskolak haurrari egin behar dion harrera baten adibidea. 
• Gelan harrera nola egin haurrari. 
• Hasierako ebaluazioa nola egin beha den. 
• Harrera planaren helburuak zeintzuk izan behar diren.

Hori dela eta, harrera plan egoki bat egoteko, ezinbestekoa da haurraren ezaugarriak kontuan edukitzea, hau da, haurrak aurretik zer dakien kontuan hartu behar da. Haurra atzerritara izanez gero, hizkuntza dakien edo zein mailatan dagoen jakitea garrantzitsua da, baita haurraren adina. Izan ere, askotan haurrarekin hasieratik hasi behar dugula pentsatzen dugu, baina ez dugu kontuan izaten haurrak bere lurraldetik dakartzan ezagutzak.

Honen adibidea da klasean landutako Abhisehek eta Xueren kasuak. Liburu horretan ikusi dugu nola eskolan Xueri egin dioten harrera plana ez zen egokia izan eta horrek, gelan, berak ariketak egiteko erritmoa mantsotu eta kaltetu duela. Abhiseheken kasuan, aldiz, bera eskolara etorri baino lehen harrera plan bat egina zioten, bertan arazoak sortuz gero, hauei aurre egiteko estrategiak pentsatuta zituzten. Beraz, esan dezakegu Albiseheken eskola inklusiboagoa dela, umeari egokitutatko harrera plan bat sortu ziotelako, beren ezaugarriak kontuan hartuz, hau da, haurraren jatorria, adina, hizkuntza,... Horregatik, harrera plan egoki bat egitea garrantzitsua da, haurrak eskolara ondo egokitu dadin eta eroso sentitu dadin.

"For the birds" film laburra

“For the birds” filma ikusi ondoren, argi gelditzen da zein den egileak bidali nahi duen mezua. Filmean ikusten da nola hasieran txikiak eta berdinak diren txoriak handiagoa den txori batez barre egiten dutela, desberdina delako eta baztertu egiten dute. Baina amaieran txori txikiak dira gaizki amaitzen dutenak eta orduan handia da haietaz barre egiten duena. Horrela ikusten dugu nahiz eta gaur egun aurrerapen asko egin diren arren, oraindik inklusioa ez dela guztiz ematen. Askotan desberdinak diren pertsonak baztertu egiten dira, ez beti nahita, baina nahiz eta konturatu gabe izan, horretaz ohartzen joan behar gara. Gainera, denok desberdinak gara eta horregatik ez dugu bestea baztertu behar, izan ere, horrek ondorio onak izan ditzake gugan. Beraz, denborarekin hau gainditzea lortu beharko litzateke.

Esan bezala, askotan konturatu gabe egiten dugu eta beste batek daukan ezaugarri desberdin batengatik barre egiten dugu edo pertsona hori bazteru egiten dugu, bai janzteko moduagatik, ilearen koloreagatik, eskolara etorri berria delako, ... edozer gauza erabiltzen dugu horretarako. Seguruenik denok egin dugu gure bizitzako momentu batean, eta horretaz hausnartu eta ikasi behar dugu beste momentu batean ez errepikatzeko. Guztiok desberdinak garenez, desberdintasun horien alde positiboetaz baliatu behar gara, horietaz ikasteko.

Etorkizunean irakasle izango naizenez, eskolan, haur guztien ezaugarriak errespetatuko ditut eta horietaz ikasten saiatuko naiz, baita haurrak bakoitzaren desberdintasunak errespetatu dezaten bultzatuko ditut. Eskolan inklusioa sustatuz.

Hasierako talde lanari buruzko hausnarketa txikia

      Egunerokoarekin asteko talde lanari buruzko hausnarketa txikia egingo dut. Talde lana hainbat pertsonen artean egiten den lana da, denon arteko akordio eta adostasunarekin. Horregatik, askotan arazoak sortzen dira taldekide guztion arteko adostasuna lortzea askotan zaila izaten delako bakoitzak bere ikuspuntua duelako gai baten inguruan eta ez da beti besteena bezalakoa izaten. Hala ere, talde lanean aritzea beste iritziak edo ikuspuntuak entzuteko aukera ematen du eta horrek ezagutza berriak bereganatzen laguntzen du. Talde lanean ari naizenean ahalik eta hoberen egiten ahalengitzen naiz, izan ere, gainontzeko taldekideei nik egindako lanak eragiten die. Beraz, haiek ahalik eta hoberen egitea espero izaten dut. Askotan lanak luzean izaten direnez, zaila izaten da denon artean antolatzea, hortaz lana batzuetan banatu behar izaten dugu. Garrantzitsua da lanaren helburua zein de zehaztea gaizki ulertuak ekiditeko eta lana aurrera eraman ahal izateko.

     Bestalde, bakarka lan egin behar dudanean desberdina izaten da eta errazagoa, zeren eta ez duzu inorekin gauzak adostu behar. Baina horrek desabantailak izaten ditu besteon iritziak ezin ditudalako ezagutu. Bakarka ikastean nire aurreko ezagutzak handitzen joan naiz eta nire ohiturak eta estrategiak erabiltzeko aukera ematen dit. Nire ustez, erabiltzen ditudan estrategiak eraginkorrak izaten dira, lortutako emaitzak nahiko onak izaten direlako.

      Amaitzeko, komunikazio eraginkorrari dagokionez, gure sentimenduak, emozioak eta iritziak besteon aurrean azaltzea zaila zaten da eta kostatu egiten du. Horregatik besteekin errespetua izatea ezinbestekoa da komunikazioan laguntzeko. Hitz egitean besteon arreta izatea garrantzitsua da eta besteok hitz egiten dutenean adi entzun behar da haiek esaten dutena. Asko kostatzen zait aurkezpenak gelaren aurrean egitea lotsa ematen didalako, hala ere, denborarekin eta praktikarekin hobetuz noala uste dut.

Ongi etorriak!!

Ongi etoriak nire blog berrira! Hemen "Eskola Inklusiboaren oinarriak" ikasgaian lantzen ari dugun guztia eta horrekin batera nire iritziak, hausnarketak eta pentsamenduak. Horrela nire ikasle koadernoa osatuz.

Beraz, eskola inklusiboari buruz hitz egiten hasiko naiz. Eskola inklusiboa lortzeko bertan parte hartze duten pertsona guztien lana beharrezkoa da, hau da, irakasleen, ikasleen eta gurasoen arteko elkarlana. Horretarako, ikasle guztien ezaugarriak kontuan hartu behar dira eta horiek baitira aniztasuna sortzen dutneak. Gainera, inklusibora iristeko guztion ezaugarriak eta beharrak kontuan hartzea ezinbestekoa da. Hortaz, hori da landu beharko duguna.